Здравствуйте, дорогие мои!
Обращаюсь к тем, чьи близкие покончили жизнь свою самоубийством. Каким бы ни был мерзким их конец, мы можем спасти их душу, или хотя бы облегчить их участь адского мучения.
Молиться за самоубиенных нельзя в храме, но можно дома. Эти молитвы нужны не только покойному, но и живым сродникам, т.к. грех самоубийства несет кармический отпечаток на весь род. Молитвами ближних будем мы спасены! еще полезно подавать милость во прощение грехов и делать добрые дела.
Есть коротенькая, но сильная ежедневная молитва:
Взыщи, Господи, погибшую душу раба Твоего (имя), аще возможно есть, помилуй. Неиследимы судьбы Твои. Не постави мне во грех молитвы сей моей, но да будет святая воля Твоя. Аминь.
40 дней подряд нужно читать КАНОН о самовольне живот свой скончавших, лучше втроем одновременно. Очень много свидетельств, что покойные являлись потом во сне и благодарили за помощь, получивши послабление от Господа по этим молитвам.
Храни вас Господь!
КАНОН ЗА САМОУБИЕННОГО
ПЕСНЬ 1
Ирмо́с: Во глубине постла иногда фараонитское всевоинство преоруженная сила; воплощшееся же Слово всезлобный грех потребило есть: препрославленный Господь, славно бо прославися.
Припев: Взыщи, Господи, погибшую душу раба Твоего (имя).
Всемилостивый Господи, помилуй мя по милости Твоей, пети Тебе начинающа и молитися о убившемся дерзко, да не в суд ми сие будет, ни в осуждение, Судие Праведнейший.
Припев: Взыщи, Господи, погибшую душу раба Твоего (имя)
Да не будет молитва моя во грех, яко кроткий Давид глаголет: ниже во отягощение души самовольней смерти предавшемуся; но мученик мольбами оставление прегрешений наших даруй нам.
Слава Отцу и Сыну и Святому Духу.
Богатую милость присно всем источая, Всеблагий Христе Боже, и ныне рабу Твоему (имя), нами Тебе молящемуся, помилование даруй и с преставльшимися во благочестии причти, аще и нечестиво скончался в неразумии.
И ныне и присно и во веки веков. Аминь.
Утвердивши колеблемый ум мой, Мати Божия, укрепи мя Божественными повеленьми Рождшагося из Твоего освященного чрева и упразднившего, Владычице, адово мрачное царство, со дерзновением неосужденно молитися об усопшем (имя).
ПЕСНЬ 3
Ирмо́с: На камени мя веры утвердив, разширил еси уста моя на враги моя: возвесели бо ся дух мой, внегда пети: несть свят, якоже Бог наш, и несть праведен паче Тебе, Господи.
Припев: Взыщи, Господи, погибшую душу раба Твоего (имя).
Твоея красоты сиянием озаритися усопшему благоволи, в вере с почившими, богатый в милости; Ты бо еси Бог наш Единый безгрешный и многомилостивый.
Припев: Взыщи, Господи, погибшую душу раба Твоего (имя).
На месте прохлаждения в вечнем покоище сподоби прияти и раба Твоего, малодушие жизнь свою пресекшаго: Ты бо еси Един Сильный и немощи наша на Ся восприявый, Господи Боже наш.
Слава Отцу и Сыну и Святому Духу.
В чертозе небеснем водворитися, Владыко, приими раба Твоего (имя) , да не услышит он праведнаго Твоего гласа: «не вем тя», аще и воистину повинен есть сему.
И ныне и присно и во веки веков. Аминь.
Умерщвленных нас воздвигла еси, Богородице, жизни нетленней Жизнодавца рождши; и раба Твоего (имя) возведи из ада преисподнейшаго, Сына Твоего о милости умоляющи.
ПЕСНЬ 4
Ирмо́с: Пою Тя, слухом бо. Господа услышах и ужасохся: до мене бо идеши, мене ища заблуждшаго. Тем многое Твое снизхождение, еже на мя, прославляю, Многомилостиве.
Припев: Взыщи, Господи, погибшую душу раба Твоего (имя).
Во уповании на Тя, Боже, изнемогшего, и насилием вражиим одоленнаго, раба Твоего пощади, Спасе презирая, яко Благ, прегрешения его вольная и невольная.
Припев: Взыщи, Господи, погибшую душу раба Твоего (имя).
Милосердия имый неизследимую бездну, Господи, бездну греховную раба Твоего покрый, Человеколюбче,— омыв Кровию Своею грех неведения и маловерия его.
Слава Отцу и Сыну и Святому Духу.
Живыми господствуя и мертвыми владычествуя, помилуй и раба Твоего (имя), власть бо имаши всякую на небеси и на земли, Христе Боже, Отцу соседый и Духом вся очищаяй.
И ныне и присно и во веки веков. Аминь.
Исцелила еси, Богородительнице, Евино поползновение окаянное; Зиждителя бо родила еси, исправити могущаго тварь погибающую: Того моли и сего раба (имя) неключимаго, заповедь Божию преступившего, спасти по единой милости.
ПЕСНЬ 5
Ирмо́с: Света подателю и веков Творче, Господи, во свете Твоих повелений настави нас: разве бо Тебе иного Бога не знаем.
Припев: Взыщи, Господи, погибшую душу раба Твоего (имя).
Умертвишася и во дно адово поползнувшагося возведи, Боже, преступление того заглаждая; на Кресте бо грехи наша пришел еси омыти честною Кровию Своею, Христе, Искупителю всяческих.
Припев: Взыщи, Господи, погибшую душу раба Твоего (имя).
Спасти нас пришедый, Христе Боже, приими ныне и наша недостойная моления о рабе Твоем (имя), да муки вечныя избавиши, помилован будет с нами, Спасителю Преблагий.
Слава Отцу и Сыну и Святому Духу.
Молим Тя, Слове Божий, аще и дерзновенно сие, прогнева бо Тя раб Твой (имя), обаче благодатию Твоею умоляем, не возгнушайся молитв наших и помилуй нас, вкупе вси бо повинны есмы пред Тобою, Всесвятый Владыко.
И ныне и присно и во веки веков. Аминь.
Под кровом Твоим, Мати Божия, спасаются вси надеющийся на Тя: Твоим заступлением защити и нас, и сподоби со дерзновением неосужденно молити Сына Твоего о живот свой скончавши безнадежно (имя) .
ПЕСНЬ 6
Ирмо́с: В бездне греховней валяяся, неизследную милосердия Твоего призываю бездну: от тли, Боже, мя возведи.
Припев: Взыщи, Господи, погибшую душу раба Твоего (имя).
Из земли создавши человека, Боже, и в землю ныне возвратишася, пощади, Господи, в неразумии сокрушившаго скудельный сосуд свой: можеши бо, Владыко Творче, и паки возставити его от истления.
Припев: Взыщи, Господи, погибшую душу раба Твоего (имя).
Неизреченный и непостижимый, Господи, щедротами несказаннаго Человеколюбия Твоего помилуй живот свой скончавшаго, презирая согрешения его, яже в ведении и неведении содеянная.
Слава Отцу и Сыну и Святому Духу.
Озаритися милостию Твоею сподоби, Владыко, вольне оставльшаго (имя)житие свое и к свету Твоему возведи, из тьмы несветимыя изымая, милосердия ради.
И ныне и присно и во веки веков. Аминь.
Избавительнице, усердно призывающим Тя, Пречистая Владычице, Сына Твоего умоли скончавшагося (имя) ущедрити: живота и смерти Владыку родила еси.
ПЕСНЬ 7
Ирмо́с: Богопротивное веление беззаконнующаго мучителя высок пламень вознесло есть; Христос же простре благочестивым отроком росу духовную: Сый благословен и препрославлен.
Припев:Взыщи, Господи, погибшую душу раба Твоего (имя).
Во ад с душею, яко Бог, сошедый, и в рай разбойника с Собою введый, помяни и ныне раба Твоего (имя), преступлением многим Тя прогневавша, ныне же Тебе нами молящася бедне.
Припев: Взыщи, Господи, погибшую душу раба Твоего (имя).
Един безгрешный, в мертвых волею вменился еси, да умерщвленных силою человекоубийцы воскресивши с Собою, от державы того исхити и раба Твоего, Всесильне.
Слава Отцу и Сыну и Святому Духу.
Радость присносущную даровати нам Воскресением Своим изволивый, от мрачнаго горькаго царства изми раба Твоего (имя) , да от муки вечныя свободившися, узрит себе одесную Тебе, Судие Многомилостивый.
И ныне и присно и во веки веков. Аминь.
Сияние славы Отчей, плотию от Тебе явившегося умоли, Пресвятая, из адовы мглы свободити непотребнаго раба Твоего (имя) , той бо яко Матерь, Тебе нами просит.
ПЕСНЬ 8
Ирмо́с: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: Благословите, вся дела Господня, Господа.
Припев: Взыщи, Господи, погибшую душу раба Твоего (имя).
Смертное царство Своею смертию разоривый, Божественною же силою вход в вечный живот отверзый, не затвори благоутробия Твоего и рабу Твоему, аще и прегрешившему, обаче из ада ныне горце взывающа.
Припев: Взыщи, Господи, погибшую душу раба Твоего (имя).
Красоты Твоея насладитися сподоби, студ греха безобразнаго очищая умершаго смертию поносной: Един бо еси, Владыко, греха свободен, крестною смертию за нас умертвился еси.
Слава Отцу и Сыну и Святому Духу.
Исправити хотя падших в персть смертную, Сам смерти причастен явился еси, Безсмертный, от смертных удолий силою Твоею возведи раба Твоего (имя) , лютою смертию поползнувшагося.
И ныне и присно и во веки веков. Аминь.
Велия воистину есть Рождества Твоего тайна, Богомати: Бога воплотившагося родила еси; Его же моли, яко Сына Твоего, спасти бедне скончавшагося (имя) : имаши бо дерзновение к Рождшемуся от Тебя Благоутробному Спасу мира.
ПЕСНЬ 9
Ирмо́с: Яже прежде солнца Светильника Бога возсиявшаго, плотски к нам пришедшаго, из боку девичу неизреченно воплотившая, Благословенная, Всечистая, Тя, Богородице, величаем.
Припев: Взыщи, Господи, погибшую душу раба Твоего (имя).
Имеяй власть живых и мертвых, пощади, Спасе, раба Твоего (имя), смертию горькою скончавшагося: Тебе бо от Отца Твоего дадеся живити и миловати, ихже хощеши, Сыне Божий.
Припев:Взыщи, Господи, погибшую душу раба Твоего (имя).
Преславное множество святых Твоих, Христе, непрестанно молит Тя за грешныя рабы Твоя, да помилуеши ихже волиши милосердием Твоим и геенны вечныя избавиши.
Слава Отцу и Сыну и Святому Духу.
Благости воистину пучина неизследимая, благодатию Твоею помилуй прогневавшаго Тя раба Твоего (имя) и нас молящихся.
И ныне и присно и во веки веков. Аминь.
Достойно Тя, Богородице, ублажающе, к Тебе, яко Матери нашей, притекаем надежно; сами себе и брата нашего (имя) , малодушие скончавшагося, Тебе Заступнице и с Тобою Христу Богу предаем смиренно.
Взыщи, Господи, погибшую душу раба Твоего (имя): аще возможно есть, помилуй. Неизследимы судьбы Твои. Не постави мне в грех молитвы сей моей, но да будет святая воля Твоя. Аминь |